كتبت اسمك على اوراقي
كتبتك حرفي الاول
ورسمتك بالسما نجمه
ماغابت علي اتهل
واظل محتار بطيوفك
بعمق الروح ماترحل
ولاتعتب على صمتي
حروفي بيك تتغزل
مو بيدي ولااكدر
تمنيتك تجيني بيوم ...ورداتي الك انثر
واذا تسال على قلبي
صافي أبد ماكددر
ولاعندي بعد محبوب
غيرك لا ولا اقبل
...
شوصفلك بعد مني
حنين وشوك ياخذني
اون ونات المفارك
يحسبوني انا اغني
وانت الروح ساكنها
ظنط بيه وظني
وتحس خففت من شوكي
وتظن بيوم اتحول
ابد مالاح لعيوني
رسم غيرك وتتمثل
...
ولك والناس تسألني
وليف الروح شخباره
بعدكم ذاك شوك اول
وتطوف الروح يم داره
شخبرهم وبعد شحجي
شمس ودفا ونواره
وبعد عطره بخلايا الروح
طول الوكت يتخلل
وخلى يكول
وخل يحجي
على عيني ويدلل
كتبت اسمك على اوراقي
كتبتك حرفي الاول
